social-media_by_aey

Social Media, Urdu and Pakistan

زمانہ جدید میں انسان کا میڈیا سے بہت گہرا تعلق بن چکا ہے، مین سٹریم میڈیا جیسا کہ ٹی وی، ریڈیو اور اخبارات تو پہلے ہی انسان کی زندگی کا ایک جزو بن چکے ہیں لیکن اب سوشل میڈیا نے کمیونی کیشن اور اسکے متعلق تحقیق کی نئی راہیں متعارف کروائی ہیں- سوشل میڈیا کے بھونچال نے انسانی رہن سہن اور کاروباری معاملات سے لے کر سوچنے کے انداز تک کو متاثر کیا ہے- اس مضمون کے ذریعے میں سوشل میڈیا پر پاکستان اور اردو کا کردار اور کچھ حقائق بیان کروں گا

سوشل میڈیا اور پاکستان
پاکستان میں سوشل میڈیا کو پچھلے دو سالوں میں بہت زیادہ پزیرائی ملی ہے،جس کی بنیادی وجہ براڈ بینڈ انٹرنیٹ کی عوام تک رسائی ہے- اب آپ سکول کے بچے سے لے کر کاروباری حضرات تک کے منہ سے “فیس بک” کا نام سنتے ہیں- پاکستان میں تین کروڑ بیس لاکھ سے زائد افراد انٹرنیٹ استعمال کرتے ہیں اور ایک اندازے کے مطابق ان میں سے ایک کروڑ اڑتالیس لاکھ افراد سوشل نیٹ ورکنگ سائٹس پر اکاؤنٹ بنا چکے ہیں- یہاں سب سے مقبول سوشل نیٹ ورک پوری دنیا کی طرح “فیس بک” ہی ہے، اس کے بعد “ٹوئٹر”، “لنکڈ ان” اور ” گوگل پلس” کا نام لیا جاتا ہے- باقی دنیا کو دیکھتے ہوئے اب مقامی کاروباری حضرات بھی سوشل میڈیا کے ذریعے اپنے صارفین کی تعداد کو بڑھانے اور اپنے کاروباری امیج کو بہتر کرنے میں دلچسپی لیتے نظر آتے ہیں- سوشل میڈیا پاکستان میں اس حد تک اثر انداز ہو رہا ہے کہ لوگ ٹی وی سے زیادہ سوشل میڈیا پر دی گئی خبروں پر یقین کرنے لگے ہیں- تقریبات اور واقعات کو براہ راست سوشل میڈیا کوریج دی جاتی ہے جس سے لوگوں کی زندگی سے “انتظار” کا عنصر کم ہو رہا ہے اور زندگی مزید برق رفتاری کی طرف گامزن ہے-

سوشل میڈیا اور اردو
سوشل میڈیا پر جن زبانوں کا راج ہے ان میں انگریزی پہلے نمبر پر ہے اور اس کے بعد ہسپانوی، جاپانی، پرتگیزی، فرانسیسی اور مالے کا نام آتا ہے- اردو کا نام ڈھونڈنے کے لئے آپ کو گوگل کو حرکت میں لانا ہوگا- بھلا ہو وکی پیڈیا، فیس بک اور ٹوئٹر کا جنہوں نے اردو کی اہمیت کو جانا اور اپنے اردو ورژن کا آغاز کیا- فیس بک اور ٹوئٹر کے اردو ورژن کا ٩٥ فیصد ترجمہ مکمل ہو چکا ہے، جو کہ مکمل طور پر رضاکاروں نے کیا ہے- روزانہ کی اپ ڈیٹس کی بدولت یہ ترجمہ مسلسل ہوتا رہتا ہے- اردو فونٹ کی عدم دستیابی اور تکنیکی سہولتوں کی کمی کے باعث سوشل میڈیا پر اردو زبان استعمال کرنے والوں کی تعداد کم ہے لیکن دن بدن بڑھ رہی ہے- نوجوان نسل اردو کی طرف راغب ہو رہی ہے لیکن انہیں مزید تکنینکی سہولتیں فراہم کرنا کس کا کام ہے یہ میں پتہ نہیں لگا سکا.

نوٹ: یہ بات شائد آپ کے لئے خوشی کا باعث ہو کہ ٹوئٹر کے اردو ترجمہ اور موڈریشن میں “کریٹو کیوس” میں کام کرنے والوں کا بھی ہاتھ ہے جن میں، میں خود اور ارسلان محمد خان ٹوئٹر اردو کے لئے رضاکارانہ طور پر فرائض سر انجام دے رہے ہیں-

Share Button

4 thoughts on “Social Media, Urdu and Pakistan

  1. Aurangzeb Mahwish

    بہت اعلٰی…
    لکهتے رہیئے
    ٹویٹر پر تو چها گئے اب بلاگنگ ورلڈ نیکسٹ

    Reply
  2. محمد اسد

    ٹویٹر اور فیس بک پر اردو کے لیے کام کرنے والے رضا کار واقعی قابل داد ہیں۔ کوئی اور اس کام میں شامل ہونا چاہتا ہو تو کیا طریقہ کار ہے؟

    Reply

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>